Vaccata
Avatar Chetiendetroyes
Chetiendetroyeslivello 12
16 Luglio 2021 - 4.414 visualizzazioni
La cà de ringhera.

Al térs pian el stava un giuinott
Istruí, un pö fals e curtes
L'era vün che ciuciava i gianduiott
Insomma l'era un piemuntes.
Sota de lü ghera el Baloss
Ch'el cuntava de vés pien de danèe
Ma tuti el ciamaven el re dei goss
Andà in tram a fa bursin l'è só mestèe
Püssé in la la stava la Ginetta
La spetava, porta verta, un quai vün
Per fala bref l'era una scajéta
Insoma riceveva client nel só cantun
Al piano nobile ghera el Cumenda
Semper ciapà cönt i só bulett. A tuti ghe dava la sö reprimenda:
Tâs e siguta a tirà el carett.
A pian teren ghin i negosi e i sciuster
Prestiné, fundeghé e spesié
Passaven lasarön e chi cul sö duver
Macelar,Farmacista lung el marciapé
Cun la porta che dava sul curtill
Setada su de una scagneta
Cön in man la scúa come un fusil
L'era la purtinara, per i fiö la sö disdeta
Pasaven mulita, strascée e scigulatt
Donn e tüsan l'è rivà el magnan
Quel dí firün e dei belée, l'anciuatt.
Gh'era mai nissun a man in man.
Serum tücc amis, in questa città
Pö in rivà i furest. e giargianes
Sem pü chi sem, in sincerità
L'è diventada Milan sensa Milanes.

Web
Leggi tutto...